25.虎醉今宵 (第6/16页)

卖鸦片赚，卖咸鱼一样赚，死路行唔通，搵过第条水路咪得囉？」

    戴子良眼点文件：「排队送银嘅可以装满成个铜锣湾，而家问题係闲杂免谈，大佬唔缺买路费?。」

    「敢问戴主席为希慎服务咗几耐？」

    「到港英移交主权，25年。」

    才矜志骄的口吻，可谓行业楷模的履歷，亮出底牌立场。

    「25年仲係未明cheese越大越唔好切？」，坚果香穿指繚落，Ray叩敲其中一本报告，「经你手搞嘅project，四成社创文援，四成联名公益，有d流去DAF，十碌八碌几百宗，基金功能同投资转化比係几多？乜“仁爱乐捐”，“鱼菜共生”，利益链玩左手倒右手，三藩Mafia都做?啦。」

    「我袋住一两千万坐E，食佢哋食净嘅，不如搵d团体喺街度派下米送下药。资源唔係囈翻嚟嘅，係靠抢啊戴主席。」

    一番陈词全盘否决初衷，戴子良目光回溯后生仔再三諦视。

    「你意思係由一开始就无諗住舂个头埋去？」

    「换句话讲，我无諗过要借戴生做跳板。唔兜咁大个圈你又点可能表真态？」，抽出最薄文书，Ray为他斟酒添冰直奔主题：「呢份投资计划涉及一项已暂停嘅基金，佢原本係董事会成员发起嘅私募，啱唔啱？」

    主席拧眉：「错係无错，但考虑到监管因素空置咗几年，等某一日拎上议程投票，分分鐘作废。」

    他不紧不慢岔腿捂进软垫：「发起人戴加治，Dariush  R.  Hirjee？定係Hirji？前太古理事，希慎首席资管顾问，无记错嘅话，戴生嗰位巴斯太太都姓Hirjee...」

    戴子良一